Napoleonsbaan te vinden op Helden
Mijn mam wooj dao nooits gaer euver haer
Eine keer reej ze zelfs langs de Plem en binnendoor van Bögkeme nao Naer
Maar bie die kruutsing euver de dojewaeg
sjtóng häör 't zjweit op 't sjtuur
En Emiel vertelde: bie'Mielke', 't café van zien Oma aan 't kruutspuntj in Kessel, waas 't zó dök pries
Wieväöl halve lieke ze dao neet nao binne höbbe gedrage mit ganse families finaal van de wies!
Want in dae tied goof 't opins meer auto's dan chauffeurs en de sjtopleechte ware nag zo duur
Maar noe, noe zin ze hie oetgeraas
De veuroetgang sjeurt aan de angere kantj van de Maas
Auto's blieve kómme, auto's blieve gaon
Maar deze waeg haet haos aafgedaon
Ins waar hae de dader, mit ziene naam in rood
Maar de Napoleonsbaan waert langzaamaan 'ne aje ader, mit amper nag blood
In Naer dao waas 't te belaeve, en nao sjloetingstied bie de Bekker in Roggel 'reje wae dao haen'
Want in Naer dao hads se Toedem, det waas van May maar ederein zag 'Bie Sjaen'
Ein of twee Lindebuimkes höbbe veur dao toen waal opgezat
En, achteraaf gezeen, bie 't nao hoes rieje mazzel gehad
Maar noe, noe zin ze hie oetgeraas
De veuroetgang vriet aan de angere kantj van de Maas
Auto's blieve kómme, auto's blieve gaon
Maar deze waeg haet zien werk gedaon
Ins waar hae de dader, mit ziene naam in rood
Maar de Napoleonsbaan waert langzaamaan 'ne aje ader, mit amper nag blood
't Is mesjien wied gezóch maar toch
As, as, as in '95 op carnavalsdinsdig sjnachs
Kamerlid van Rey de allerletste vlucht vanoet Gran Canaria had gemis dan had oostvariant naeve 't pötje gepis
En as, as, as, as Kamerlid Lilipaly had doorgegaeve det d'r in Frankrijk bie zien knappe dochter zoot
Dan had de PVDA 't op aswoonsdig neet zo gigantisch verkloot
Want dan ware d'r net zovöäl sjtumme gewaes veur as taege
En dan had de A-73 noe bie Naer gelaege
Daoróm zin ze hie noe zo oetgeraas
Daoróm sjeurt de veuroetgang door akelig lang tunnels aan de dure kantj van de Maas
Ach auto's blieve kómme, auto's blieve gaon
Maar deze aje waeg haet noe aafgedaon
Ins waar hae de dader, ze sjreve zie ne naam in 't rood
Maar de Napoleonsbaan, de Dojewaeg
De Napoleonsbaan waert langzaamaan 'ne aje verkalkte ader, mit amper nag blood
Geschreven voor de documentaire 'Dodenweg' van Hans Heijnen. Nadat ik in vier programma's 'De waeg' heb gezongen is het A-73 verhaal hiermee af. Volledig live opgenomen. |